Isod ceir detholiad o ddeunyddiau ar gyfer cynnal gwasanaethau dros y Pasg i’w lawrlwytho’n rhad ac am ddim:

Myfyrdodau:
2 emyn newydd ar gyfer y Pasg
3 myfyrdod Gwener y Groglith
3 myfyrdod Sul y Blodau
3 myfyrdod Sul y Pasg
3 myfyrdod Y Grawys
Yr Atgyfodiad
Myfyrdod am Y Pasg gan Patrick Slattery
Myfyrdodau Grawys gan Jim Clarke

Ffilmiau:
Anerchiad Pasg gan y Parch W Bryn Williams, Pwllheli

Mewn byd sy’n ein llethu gan newyddion drwg mor aml, cofiwn bod gennym newyddion da oesol i’w rannu gyda’r byd. Yn arbennig yng nghyfnod y Pasg mae neges y bedd gwag ac atgyfodiad Iesu yn newyddion da chwyldroadol, ac yn newyddion da i bawb yn ddiwahan.

Beth am dystio i’r newyddion da hwnnw?

Cyfryngau Cymdeithasol
Ar y cyfryngau cymdeithasol, beth am rannu postiadau o adnodau, posteri lliwgar, newid ein proffil ayyb.

Isod ceir posteri ac adnodau i’w rhannu:

Llun proffil Facebook:

Llun Clawr/Cover Photo Facebook:

Yn weledol yn ein cymunedau
Ac yn weledol yn ein cymunedau o’n cwmpas, beth am arddangos posteri ar ffenestri yn ein cartrefi, neu ar hysbysfyrddau ein heglwysi, neu unrhyw fan cyhoeddus arall? Beth am osod baner ar flaen y capel?

Isod ceir posteri i’w hargraffu, ac un yn arbennig i blant ei liwio i ddangos lliw y Pasg:

Pam cofio marwolaeth Iesu Grist? – Arfon Jones from EBCPCW on Vimeo.

I lawrlwytho’r ffilm cliciwch yma a bydd dolen ‘Download’ i weld dan y ffilm ar Vimeo.

Cliciwch YMA i lawrlwytho’r deunydd astudio perthnasol (PDF)

25 o leisiau yn dweud stori’r Pasg ar ffonau symudol yn ystod ‘lockdown’ 2020. Mwynhewch. Diolch Karen Owen am gyd-lynnu y ffilm.

Mae TRI DIWRNOD yn adnodd gwych ar gyfer y Pasg. Y cyfan ar gael i’w lawrlwytho yn rhad ac am ddim.
Paratoi at y Pasg?

TRI DIWRNOD: Un pwrpas, un person.

Dyma becyn o adnoddau gwych sydd wedi eu paratoi i gynorthwyo pobl i baratoi am y Pasg. Y darlledwr profiadol Martyn Geraint yn cyflwyno’r ffilmiau.

Mae’r pecyn yn cynnwys 5 ffilm a 5 astudiaeth Feiblaidd.

Gellir ei ddefnyddio gyda grŵp yn eich capel/eglwys, ar yr aelwyd, neu mae modd i unigolion hefyd ei ddefnyddio i ddysgu mwy am y Pasg a’i ganlyniadau. Gellir hefyd ei ddefnyddio fel maes i’r Ysgol Sul neu fel sail cyfres o bregethau ar gyfer yr wythnosau cyn y Pasg.

Os am wahodd eraill i ystyried neges y Pasg gyda chi, gallwch lawrlwytho taflenni bach i’w rhannu, neu boster y gellir ei olygu ac ychwanegu’r manylion e.e. amser a man cyfarfod.

Mae’r cyfan ar gael yn rhad ac am ddim i’w ddefnyddio.

Nid yw’n bosib cynnwys popeth am y Pasg mewn 5 ffilm a 5 astudiaeth!

Rydym wedi dewis a dethol er mwyn canolbwyntio ar ddigwyddiadau mwyaf allweddol cyfnod y Pasg sef y Swper Olaf, Iesu yng Ngardd Gethsemane; yr achos llys o flaen Peilat, y Croeshoelio a’r Atgyfodiad.

Y gobaith, a’r weddi, yw y bydd y ffilmiau a’r astudiaethau yn rhoi cyfle i bobl ystyried o ddifri wir ystyr y Pasg ac arwyddocâd y digwyddiadau hyn iddyn nhw’n bersonol, a hynny ar sail yr hyn ddarllenwn ni yn y Beibl.

Un pwrpas oedd i ddigwyddiadau’r tri diwrnod – Duw yn darparu ffordd i bobl y byd gael eu hachub.

Un person allai gyflawni hynny – Iesu Grist, mab Duw.

Cliciwch yma i fynd i dudalen TRI DIWRNOD ar wefan gair.cymru i wylio’r holl ffilmiau a lawrlwytho’r adnoddau.

Mae Undeb yr Annibynwyr hefyd wedi paratoi gwasanaethau newydd ar gyfer 2019. Mae gwasanaeth Gwener y Groglith ar gael, o waith Andrew Lenny, ac hefyd oedfa Sul y Pasg o waith Carys Ann. Mae hefyd cyfres o astudiaethau Grawys ar gael yno gan Robin Samuel.

Cliciwch yma i fynd at yr adnoddau ar wefan yr Annibynwyr.

Mae gan Cymdeithas y Beibl ffilm ar gyfer plant sef Tri Ffrind a Dyn y Gwyrthiau. Mae hefyd llyfryn ar gael yn adrodd y stori a gwasanaeth ar gyfer oedfa pob oed. Mae nifer o luniau lliwio hefyd ar gael i lawrlwytho o’u gwefan.

Cliciwch yma am fwy o wybodaeth.

Mae nifer o adnoddau i’w lawrlwytho ar beibl.net hefyd. Cliciwch YMA.

Mae cwrs Beiblaidd ar gyfer y grawys hefyd ar gael i’w lawrlwytho am ddim gan yr Eglwys yng Nghymru. Cliciwch yma.

Mae gan Gymorth Cristnogol apêl arbennig hefyd, sef Cyfra Dy Fendithion.
Cliciwch yma i weld yr adnoddau ar gyfer eleni gan Cymorth Cristnogol.

Eleni mae CPO (Christian Publicity Organization) wedi cynhyrchu chwech posteri Cymraeg/Dwyieithog yn arbennig ar gyfer Pasg 2019.

Cliciwch yma am fwy o wybodaeth ac am archebu.